Javhlan

Говь Алтайд

2008-03-06, 09:39

Нилээн хэд хоногийн өмнө (өдөр хоногоо алдчихсан ) гурав дахь өдөрийн өглөө хотоос ганцаараа Говь Алтай гараад давхичихсан. Замын хань ольё гэсэн олдсонгүй. Драгон дээрээс хүн аваад явчихья гэсэн харагддагүй. Өглөө 9 цаг гээд гарсан орой 7 гээд Баянхонгор хүрээд хоноод явдиймуу гэснээ за яадийн гээд цааш замаа үргэлжлүүллээ. Гадаа дулаахан, цас хайлаад зам зуур жинхэнэ түйрэн дэгдэж байнаа. Баянхонгорын наад талд нинжа нарын бүтэн хороолол байдагсан цөөрчихөж.

Урдуур шалын хоолойгоор явж байтал шөнө болов. Хөх эргийн гарамаар гараад явж байтал нойр хүрээд болдоггүй. Нэг цаг гээд машиныхаа арын суудалд хэвтээд унтаад өгөв. 2 өнгөрөөд даараад сэржийнэ. Дулаацах гээд машинаа асаагаад параа хамгийн халуун дээр нь тавиад явсан 30 минут болоод нозоороод эхлэв. Энэ маягаар унтан босон явсаар өглөө 9 гээд Алтай хотод ирлээ.

Ирсэнээсээ хойш эндэхийн буудал хоолны газаруудыг гүйцээж байна дөө. Хөдөө явбал хэрэг болох байх гээд Ж мобилийн интернэттэй гар утас аваад гарсан. Интернэтэд бараг л хүссэн үедээ холбогдоод сайхан л байна. Яагаад бараг гэсийн бэ гэвэл энэ хавьд интернэтийхээ тохиргоог сайн хийгээгүй эхний хоёр хоног Ж мобил руу утасдах хэрэг гарч байв. Ойрд гайгүй л байна. Ж мобил зарим газар Моби эд нараас овоо хол барьдаг бололтой. Хөх эргийн гарамын тэнд харанхуйд буруу замаар салаад Баацагаан Бөмбөгөр хоёр сумаас аль альнаас нь 50 60 аад км газар хот руу утасаар ярьж баруун тийшээ чиглээд замтай замгүй яваад бай гэсэн команд авч зөв замаа олов.

бичсэн: javhlan төрөл: | (3) Сэтгэгдэл | найздаа илгээх

Аав-бид хоёр.

2008-01-20, 23:46

Аав минь биднийг ер нь загнадаггүй. Биднийг үргэлж эрхлүүлж үргэлж магтана. Жижиг сажиг юу ч бай тэрүүгээр баярлаж биднийг магтана. Сүүлийн үед тусдаа амьдардаг болсон болохоор яваад очихоор баярлаад л нүүр дүүрэн инээгээд л угтана. Ер нь ч үргэлж хүнтэй инээж уулздаг.

Хэлэх юмаа харин энгийн чи тэрийгээ тэгээ энийгээ ингээ гэж ганц л хэлнэ. Бүүр уурлуулах юм бол юм хэлэхгүй дуугай байна. Тэр нь бага байхад хамгаас аймар, хүнд санагддагсан. Оронд цохиод аваасай гэж бодох шиг.

Намайг бага байхаас сэтгэлзүйн хувьд хамгийн сул нь гэж боддог. Тийм болохоор надтай ярихдаа хаяа жижигхэн чимхсэн, хатгасан өдсөн өнгөөр ярина. Заримдаа би тэсэхгүй шар гозойж нулимс унагана. Эр хүн тэсвэртэй байдаг юм шүү л гэнэ. Тиймдээ ч би одоо баргийн хүн юм хэлэхэд тоохооргүй болсон байх.

бичсэн: javhlan төрөл: | (2) Сэтгэгдэл | найздаа илгээх

Аав-бид хоёр.

2008-01-18, 22:23

Би ер нь сүүлийн жилүүдэд гэртээ телевиз юмуу компьютерийн ард ажил дээрээ компьютерийн ард, завсар хооронд нь жолооны ард, тэгээл ажил их гээд л өглөөжин өдөржин оройжин хагас бүтэн сайнгүй суугаал, хөдлөхгүй, хөдөлгөөний дутагдалд орсон хүн чинь хүзүү гар чилээд л нуруу гэж бөөн хуян болно биз дээ.

Хааяа аавтай уулзахаараа бариад өг гээл цамцаа тайлаад л урд нь сууна. Аав за гээд л барьна. Аавын гар нэг л гоё, халуун дулаахан мөртлөө хув хуурай. Хамаг ядаргаа аваад л явчих шиг болно.

бичсэн: javhlan төрөл: | (1) Сэтгэгдэл | найздаа илгээх

Аав-бид хоёр. Замын цагдаа

2008-01-17, 23:48

Намайг гурав дөрөв дүгээр ангид байхад аав нэг оросын Лада-тай яг ижил ФИАТ гээд машинтай болсийн. Би ч ааваас салдаггүйм болохоор ажил төрөлөөс бусад үед нь байнга дагаастай. Тэгээл машин барихад дурлана биз дээ эр л юм хойно. Аавын хийж байгааг ажилгаад л асуугаад л. Өөрөө суудал дээр нь сууж байхдаа явж байна нэг дүгээр араанд хийлээ, хоёртоо хийлээ гэж дүрслээд л тэрнээс ч болсонуу аав анх Дархан явах замд барих уу гэлээ. Би ч уухайн тас. Тэрнээс хойш ч аав үе үе бариулдаг боллоо. Тэр үед гараш байхгүй хааяа би шөнө байрны гадаа машинд хононо. Тэгэхдээ хулгайгаар байшин тойрно.

Тэгээд дөрөвдүгээр ангид байхад байшингийхаа хажууд гараштай ч боллоо. Аав ч миний дуртайг бодсонуу өөрөө ч залхуурсануу хааяа машин гарашд хийчих гээд л түлхүүрээ өгнө. Нэг удаа гарашд хийх гээд л гарлаа. байшингийн хойно байсан машин асаагаад л байрны зүүн талын том талбайд орж хоёр гурав тойрчихоод л байрны урд байх гарашныхаа урд зогсоод л хаалгыг нь онгойлгох гэж байтал гэнэт нэг цагдаа ах гараад ирдэг байгаа.

За жоохон хүүхэд яахаараа машин барьж байдгын гээд л түлхүүр авчихаад л аавыгаа дуудаад ир гэдийн . Би ч айгаад л , аавыг дууддын Аав гарж ирсэнээ өө машин дотороос юм аваад ир гээд гаргасан чинь... хэзээдээ хөдөлгөөд сурчдын... гэсээр үнэмлэхээ хураалгаад маргааш нь нөгөө цагдаатайгаа өдөржингөө ииш тийшээ явж өгж байж үнэмлэхээ авсан гэж байгаа. Тэрнээс хойш миний хүү болгоомжтой бай, цагдаа сайн харж бай гэсиййн гээлүү .... машинаа өгхөө байсан л даа. Би л хааяа шөнө хулгайгаар унаал . анх удаа тэгж 4-р ангидаа замын цагдаад баригдаж байж билээ

бичсэн: javhlan төрөл: | (1) Сэтгэгдэл | найздаа илгээх

Аав-бид хоёр

2008-01-16, 22:20

Намайг багад манайх нэгдүгээр хорооллын нэгдүгээр байранд байлаа. Тэр үед одоогых шиг нэгдүгээр хорооллын араар гэр хороолол байсангүй, хойшоо яваад барагдахгүй эзгүй газар уул байлаа. Өвөл болохоор аав намайг цанаар гулгаж сургана гээд л бид хоёр том жижиг цана аваад уулруу гарлаг байв. Аав улаан өнгөтэй нарийхан урт цанатай. Надад ногоон богиновтор өргөн цана аваад өгчихсөн.

Тэгээл гараа сайн савж сэлээрэй, хурдлаарай гээл , өгсүүр газар би ааваасаа чирэгдээд л, уруу газар өөрөө хурдлана гэж зүтгээл, заримдаа хэтэрхий хурдлахаар айсандаа аажуухан хазайсаар байгаад өөрөө онхолдоод өгөхөөр аав шоолоод л. Нэг удаа Хандгайтад аав надад цанаар харайхыг үзүүлнэ гээд би хойноос нь харж байсан болоод ч тэрүү харайсныг харалгүй худлаа яриад л гэж бяцхан маргаан болж байж билээ

бичсэн: javhlan төрөл: | (1) Сэтгэгдэл | найздаа илгээх

Аав бид хоёр,

2008-01-08, 22:11

Аав бид хоёр 2006 оны зун Увс аймаг явлаа. Очихдоо 69-өөр, Увсын Хяргас, Малчин сумаар ороод Улаангом хот ороод аавыг онгоцоор буцаагаад би тэндээ үлдсэн юм. Очих замдаа замын нэг гуанзнаас хооллоод хөдөлсөн, удалгүй би хордлого өгөөд балрав. Ядаж байхад муу 69-тэй гарчихсан зам хордоггүй. Ааваар жолоо бариулахгүй өөрөө бариад явчихна гэсэн байдаггүй, ааваар бариулаад өөрөө хонины хонхорт нь ор засаж хэвтээд хоёр хоног баларч явж билээ. Замын турш аав надад буцалсан усанд давс, элсэн чихэр хутгаж өгч би тэрийг байн байн балгаж явсаар очих газартаа хүрэхэд зүгээр болж билээ.

бичсэн: javhlan төрөл: | (1) Сэтгэгдэл | найздаа илгээх

Аав бид хоёр.

2008-01-08, 12:06

Хавар аав хүмүүс хөдөө гаргаж өгөх гээд машинтай явж байгаад 22-ын товчоо өнгөрөөд нэг сэлбэг хэрэг болсон гээд намайг дуудлаа. Би ч давхиад очлоо. Тэгээд нөгөө машиныг засахыг нь харж байгаад , засаад дуусахаар нь цаашаагаа хөдлөөд Эмээлт нилээн өнгөртөл дагаж яамархуу явахнуу харж байгаад харанхуй болсон хойно хотруу буцлаа.

Аав нэг Ная-тай, би нэг Прадотой цувраад л 22-ын товчооруу ороод явчлаа, гэтэл нэг цагдаа аав дээр очоод яриад салдаггүй ээ. Яасийн бол гээд очтол 22-ын товчоо руу чигээрээ давхиад орохоор эсрэг урсгал болчихдогыг нь мартчиж. Харанхуйд тэмдэгийг нь ч харсангүй. Аав 2 мянгаар торгуулав. Би хүү нь гээд мянгаар торгуулав.

Цаана нэг цагдаа Аав хүү хоёр цувж яваад торгуулчих юм даа гээд үлдэв

бичсэн: javhlan төрөл: | (0) Сэтгэгдэл | найздаа илгээх

Аав бид хоёр

2008-01-02, 22:30

Хорвоод миний хамгийн хүндэлж явдаг хүн маань миний аав билээ. Бүхнийг мэддэг, бүхнийг чаддаг гэж бодож явдаг. Би аавынхаа том хүү нь. Байнга л аавыгаа дагаж явж байдаг, хааяа ээж аав хоёр муудалцвал яаж ч байсан аавыхаа талд ордог хүүхэд байлаа. Гэхдээ би аавдаа хамгаас их хайртай ч гэсэн би танд хайртай гэж хэлээд хайраа илэрхийлэх тал дээр тун маруухан. Аав бид хоёр хоюулаа аймар зөрүүд. Нэг юм хийх гээд санал нийлэхгүй бол өөр өөрийхөөрөө л зүтгээд байна. Тэгээд л би гэдийгээд буруу хараад өөрөө хий гээд суучихна.

Би уул нь арван жилээ төгсөөд компьютер электроникийн мэргэжилээр сурж эхэлсийн. Удалгүй харин зэрэгцүүлээд аавыхаа мэргжилээр суралцаад эхэлсэн. Одоо хүмүүс бүгдээрээ намайг аавыхаа мэргэжилийг өвөлж авч байгаа энэ чинь тэрний хүү гэж ханддаг. Аав минь жирийн л инженер хүн.

Гэхдээ монголдоо нэг номерынх. Эрдэмтэн доктор хэн ч байсан асуудал хэлэлцхэд эцэстээ аавын үгээр явдаг. Доктор цолтой хүмүүс ч гэсэн ааваас юм асууж зөвөлгөө авдаг. Аавын хийсэн юмыг хэнч байсан шалгалгүйгээр гарын үсэгээ зурдаг. Аав минь монголдоо үр бүтээлтэй шинэ юм олон хийсэн.
Би одоо аавтайгаа ижил мэргэжилтэй, ажилтай болсон болохоор хааяа шүшмжлэх юм гардаг. Ялангуяа таньд бизнес сэтгэлгээ алгаа гэж шүүмжилдэг. Бас хүнтэй харьцаж чадахгүй байнаа, та ямар нэрэлхүү юм бэ гэдэг. Гэтэл бодооод байхад энийг би өөртөө ч гэсэн хэлмээр юм шиг.

Аав минь маш шударга. Би багадаа байрныхаа гаднаас нэг дугуй хийлдэг насос олоод. Баярлаад гэртээ ороод ааваа энэ бид хоёрт хэрэгтэй юм байна гэтэл Чи хаанаас хүний юм авсан Чи олсон ч гэсэн одоо эзэн нь хаясан юмаа хайгаад явж байгаа Буцааж аваачиж тавь гэж билээ. Би тэгхээр үгүй энэ хаячихсан юм эзэн нь олохгүй юм чинь би авчья гэж зөрүүдэлж зугтаагаад, гэрээсээ гарж гүйгээд удалгүй баригдаад анхныхаа таван салаа боовыг авч билээ.

Насос яагаад хэрэгтэй юм бэ гэхээр тэр үед Аав Украйн гээд том дугуйтай, би Кама гээд эвхдэг жижиг дугуйтай. Манайх нэгдүгээр хороололын нэгдүгээр байранд байсын. Тэгээл амралтын өдрөөр хоюулаа дугуйтай Сонгины амралт хүртэл явж загас барьдаг байж билээ. Гуравдугаар ангийн хүүхэд талдаа 20 км дугуйгаар явдаг гээд л би онгироод л.

Уул шиг түшигтэй аавдаа би хайртай.

бичсэн: javhlan төрөл: | (2) Сэтгэгдэл | найздаа илгээх

Нийслэл Хархорин

2007-12-20, 21:46

Манай Улаанбаатар хотод хүн амьдран суухад ямархуу болоод байгааг бүгд мэдэж байгаа. Газар хүрэлцэхээ байсан. Агаар хүрэлцэхээ байсан. Ус удахгүй хүрэлцэхгүй болох гэж байна.

Наяад оны сүүлээр хот усны дутагдалд ороод дусал ус хэмнэе гэсэн реклам их явдаг байж билээ. Налайхын цаана Уубуланд шинэ худаг тавьсанаар асуудалаа түр зууртаа шийдсэн. Дахиад ус дутагдаад эхлэх үед хотыг усаар хангахын тулд Гачууртын цаана Хар усан тохойд далан барьж усан сан үүсгэн хөрсний усны төвшинг дээшлүүлнэ гэж төлөвлөж байтал шинэ цагын баячууд маань тэнд газар авж байшин бариад одоо тэгж усанд живүүлнэ гэж худлаа болсон.

Бас Хотын дулаан хангамж хүрэлцэхгүй болж байна. Дулаан цахилгааны тав дахь эх үүсвэр гэж ярьж байгаа нь хотын зүүн хэсэгт байрлаж хотын агаарыг улам л бохирдуулах хүчин зүйл болно. Бас яг хөрөнгө мөнгийг нь шийдсэн зүйл ч алга байна. Мөдхөн дахиад л хүрэлцэхээ байна.

Миний бодолоор Хархоринд нийслэлээ шилжүүлбэл зүгээр юм боловуу. Яагаад вэ гэвэл тэнд нэгдүгээрт газар байна.
Хоёрдугаарт баруун хойноосоо зүүн урагшаа чиглэсэн хөндий болохоор Улаанбаатар шиг дөрвөн уулын дунд битүү хашигдсан биш байнгын задгай агаартай байна. За тэгээд гуравт нь усны нөөц нь байна.

Нийслэлээ шилжүүлнэ гэхээр хэдэн эсгийн гэр шигээ зөөж аваачаад барьчихгүй юм болохоор юуны түрүүнд дэд бүтэцийн асуудалаа шийдэх хэрэгтэй. Хамгын түрүүнд тээвэр. Тээвэр гэхээр ачааны машинаар зөөж давхиад хот барьж барахгүй ээ.

Төмөр зам барих хэрэгтэй. Дарханы төмөрийн үйлдвэрийг Төмөр толгойн хүдэрийг хайлуулдаг өндөр хүчин чадалтай болгоод. Хөтөлийн цементийн үйлдвэрийн хүчин чадалыг нэмэгдүүлээд, Дархан Эрдэнэтийн төмөр замаас үргэлжлүүлээд Эрдэнэт-Булган-Орхон-Хишиг Өндөр-Хархорин гээд хойд чиглэлийн, Хархорин-Арвайхээр-Баянтээг-Шивээхүрэнгийн боомт эсвэл Хархорин-Арвайхээр-Тавантолгой-Оюутолгой-Гашуунсухайт гэсэн маршрутаар урд чиглэлийн төмөр зам тавьж байж хот барих материал техникээ зөөх боломжтой болно. Яагаад Улаанбаатар-Хархорин гэсэн төмөр зам дурдаагүй вэ гэвэл Улаанбаатарт үйлдвэрлэдэг барилгын материал гэж алга. Төмөр замаар тээхүйц ачаа Улаанбаатарт яг үнэндээ алга. Улаанбаатар-Хархорины хооронд дуртай цагтаа давхиад очих толь шиг өргөн зам л хэрэгтэй.

За замаа тавьчихлаа гэхэд дулаан цахилгааны асуудал гарч ирнэ. том хот барьяа гэвэл энэ 2 асуудлыг зэрэг шийдэх хэрэгтэй. Салхин эсвэл усан цахилгаан станц бариад шийдчихнэ гэж бодож болохгүй. Зэрэг хангахын тулд заавал Дулааны цахилгаан станц байх шаардлагатай. Одоогоор мэдэгдсэн том хэмжээний нүүрсний орд ойр хавьд нь алга. Баянтээгийн нүүрсний орд ч гэсэн тээвэр нь холдоод байна. Иймд миний бодолоор тэнд Атомын цахилгаан станц барих хэрэгтэй. Түлшний тээвэр багатай. Цөмийн хаягдалаа зөв шийдэж чадвал байгаль очинд хор нөлөө багатай. Цөөн тооны нарийн мэргэшсэн хүнээр ажиллах боломжтой. За тэгээд Нийт монгол орны хэмжээнд эрчим хүчний хараат байдалаас гаръяа гэвэл ахиухан чадалтай бариад хотын хэрэгцээнд нэг секцийг нь дулааны зориулалтаар, үлдсэн хэсгийг нь маневр сайтай компенсацийн цахилгаан станц болгож ажиллуулах хэрэгтэй.

Дэд бүтцийн асуудалаа шийдчихсэн бол хотоо барих асуудал үүснэ. Хот төлөвлөлтийг нарийн хийж орчин үе, монголын уламжлалыг хадгалсан дизайн бүхий цогц шийдэлтэй зураг төсөл гаргаж УИХ ч юмуу Засгийн газарын ордоныг бариад тэнд нь ажиллуулаад эхэлбэл хүмүүс тийшээ татагдаж эхлэнэ. Тэгээд тэнд газар авч байшин баръя гэсэн хүнд зөвхөн манай зураг төлөвлөгөөний дагуу орчины тохижилттой нь хий гэдэг шаардлага хатуу тавих хэрэгтэй. Ийм ийм орон сууц үйлдвэр үйлчилгээний барилгыг тэнд энд барих боломжтой байна. Та дуртайгаа сонгоод бариа, бид танд эрхийг өгье гээд зураг төслийн өртөг газрын үнээр нь худалдчих хэрэгтэй. Энд хэн түрүүлж ирсэн нь тэр ашигтай байрлалтай газарыг авна. Тэгсэнээр тэнд хөрөнгө оруулалтын өрсөлдөөн бий болж, хот түргэн хугацаанд бүтээн байгуулагдана. Мэдээж чанар болоод хугацаа, үндэсний аюулгүй байдал талаас тухайн барилгын хөрөнгө аль зүгээс гаралтай гэдэгийг нарийн хянах шаардлагатай. Хятадууд хөрөнгөө оруулаад, хятад барилгачид барьвал эцэстээ Монгол улсын нийслэл гэхэд хэцүү болно.

бичсэн: javhlan төрөл: | (1) Сэтгэгдэл | найздаа илгээх

Office Workspace from Sanakae

2007-12-18, 21:59

sanakae блогноос office workspace-ийн талаар уншаад гэрийхээ ажлын нэг буланг бас тавьчихая гэж бодлоо :)

My workspace

бичсэн: javhlan төрөл: | (0) Сэтгэгдэл | найздаа илгээх

Хотын дулаан хангамж

2007-11-22, 11:43

Улаанбаатар хотын дулаан хангамжыг 3-р цахилгаан станц, 4-р цахилгаан станцаас голчлон хангадаг. Багахан хэсгийг нь 2-р цахилгаан станцаас хангадаг. Гэтэл одоогын байдлаар 3, 4-р цахилгаан станцын зарим нэг тоног төхөөрөмжийн ачаалал дээд хэмжээндээ тулсан, байдалтай ажиллаж байгаа гэнэ. Мэргэжилийн хүмүүс нь энэ жил хотыг дулаанаар нэг муу юм хангалаа гэхэд хойтон шинээр ашиглалтанд орор байруудтай нийлээд хотыг дулаанаар хангахад хэцүү гэж ярьж байна. Хот хөлдөх аюул ойрхон байгаа гэнэ. Улаан хацарт дарга маань урд нь Багахангайг хөлдөөж байсан юм гэсэн, одоо хот хөлдөх гэж байгааг мэдэхгүй л саяхан "Хойтон жил гэхэд 30 н мянган айлийн орон сууц барьж утаанаас салгана " гэж ярьж байх юм. Инженерийн мэдлэг тэй биш юмаа гэхэд арван жилийн сургуулийн физикийн боловсролтой хүнээр хотоо удирдуулмаар юм даа.

Цахилгаан дулааны тав дахь эх үүсвэр гэж ярьж эхэлж байгаа боловч дорвитой шийдсэн юм. Асуудлаа шийдэж баригдаж дуусахыг хэтэрхий өөдрөг байдлаар харвал 5 жилээс наашгүй болоод байдаг. Тэр болтол яадаг юм билээ. Цэвэр агаар, байр хямдаар нь Дарханд очиж амьдардаг юм билүү. Дарханд лав хотоос хоёр долоо хоногын өмнө модод ногоорч арав хоногын хойно шарладаг агаар сайтай. машин тэрэг, хөл хөдөлгөөн багатай. Тог дулаан нийтээрээ тасрах магадлал хотоос хоёр дахин бага газар юм байгаан

бичсэн: javhlan төрөл: | (0) Сэтгэгдэл | найздаа илгээх

Өмнөговь Булган сум

2007-09-30, 02:19

Дөрөв дэхь өдөр гэнэт ажил гараад тав дахийн өглөө эрт Өмнөговь явах болов. Ойрын үед суурин ажилтай хөдөө гадаа яваагүй. Изинис айрвэйс-ийн онгоцонд сууж үзээгүй байсан энэ онгоцоор нисэх боллоо. Онгоцонд суугаад GPS асаагаад үзсэн 465 км/ц-н хурдтай нисэж байна. Буцахдаа үзсэн 510 зааж байна лээ. 30 гаран хүний суудалтай жижигхэн онгоц. Баруун талаараа хоёр эгнээ, эсрэг талаараа нэг эгнээ суудалтай. Нилээн хуучин гэдэг илт мэдэгдэм. Үйлчилгээний хувьд дажгүй ээ Аэро монголиа шиг л. 0-ын өрөөг нь гаднаас хараад ороод багтах боловуу гэж бодсоор байгаад оролгүй өнгөрлөө. Зорчигчидийн тал нь гадаад хүмүүс байна.

Өмнөговьд аймгийн төвд сүүлийн хоёр жил очоогүй. Шинэ олон улсын нисэх буудал барьсан байна. Нислэгийн цардмал зурвастай. Хуучин бусад аймгууд шиг шороон зурвастай байсийн. Буудал нь аймгаасаа 7 км зайтай болсон байна. Аймгийн төвд энэ жил засмал зам нилээн барьсан байна. Аймгийн засгийн ордон гээд том гоё байшин барьж байна. Харамсалтай нь нөгөөх л хятадууд. Өмнөговийхныг урьд нь л бусад аймгуудаас баян гэж ярьдаг байсан. Одоо энд тэнд алтаа ухаад бүүр л баяжижи байгаа юм байх. Нутгийн хэдэн залуус хот орж Land Cruiser авах гэсэн хотод зарж байгаа машин хүрэхгүй байсан гээд л онгирчиишд.

Шахуу ажилтай ирснийхээ маргааш үүрээр онгоцоор буцна, хоол идэж аваад л Жуулчин говь гээд жуулчны бааз руу гарлаа. Соц үед байсан том бааз байдийн. Тэндээсээ Булган сум гарлаа. Говьд ногоо сайн ургажээ. Ойрын хэдэн жил ийм байгаагүй байх. Таана хөмүүл бараг шарлаагүй сөл нь тасраагүй л байна. Говьд бороо оройтдоггүй гэдэг.

Булган сум бүх төрлийн ногоо тарьдаг ажилсаг сум. Янз бүрийн ногоо тарьдаг. Ногоогоо хураагаад хот руу, аймаг руу ачуулаад дууссан гэж байна. Энд дулаахан үржил шимтэй хөрстэй, хамгийн гол нь үргэлж ундарч байдаг ус нь ногоо ургахад таатай нөхцөл болдог. Сумын төвийн хажууханд байх толгойноос ус ундрана. Усны эхрүү труба хийгээд өөрийх нь уналтаар сумын төвдөө аваад ирсэн. Өвөл зунгүй л крантны ус шиг гоожоод байна.

Цахилгаан холбоо, Жи мобайл гээд хоёр ч үүрэн холбоотой болж. Тал газар болохоор сумын хаана ч байсан малчид гар утастай. Долгион барихгүй боло тэмээн дээрээ гарахад л ярьна гэж байгаа :) Жи мобайл нь 50, 60 км-т барьдаг. Цахилгаан холбооных нь хямдхан, хот орохоороо Моби гээд л 3 утастай байна шд энэ малчид.

Харанхуй болгоод бас нэг жуулчны баазад очиж хоол идчихээд аймгын төврүү буцаж давхиад шөнө нэг өнгөрөөд буудалд орж хоноод өглөө 6-аас онгоцны буудалд ирээд хотруугаа буцаваа

бичсэн: javhlan төрөл: | (4) Сэтгэгдэл | найздаа илгээх

Day time saving

2007-08-20, 13:13

Ene jil tsag uragshluulj hoishluulsangui. Ogloo yagaachgui ert 5 tsag ongoroogood gegee orohoor serchihiin. Ajildaa yavah tsag huleej demii baahan hevtej bgaad ajildaa yavna. Ajilaa taraad joohon garaya geheer 8 geed l haranhui bolchihiin. Mongolchuud yer naraar tsag barimjaalj zun ni zunii tsagaar ovol ni ovliin tsagaar ajil torolooo amjuuldag baisan. Delhiin hoid bolon urd orgorogt baigaa buh l uls ornuud tsagaa hodolgodog. Manaih ch gesen huuchin heveeree yavmaar sanagdaad baihiim

бичсэн: javhlan төрөл: | (0) Сэтгэгдэл | найздаа илгээх

Усан цахилгаан станц

2007-07-02, 08:55

Энэ онд дуусах юм гэсэн
Усан цахилгаан станц

бичсэн: javhlan төрөл: | (6) Сэтгэгдэл | найздаа илгээх

Завхан Говь Алтай явлаа

2007-06-25, 10:18

5 сарын 7-д Завхан явлаа. Лүн хүртэл зам засварт орчихсон. Лvнгээс Эрэдэнэсант хүртэлх зам ба засварт. Замын хажуугаар шороон замаар тонгочуулаад баруун чиглэлд явахад хүнд л болсон байна. Буцахдаа харин Эрдэнэсант енгереед хойшоо давхиад Дашинчилэн-Лvнгийн замд орж явсан нь дээр байлаа. За тэгээд цаашаа Хархорин хүртэл засмалаар давхиад Хархорингоос цааш шороон замаар Завханы Улиастай хүртэл явлаа. Завхан хүртэл зуншлага тааруу гандуу. Харин Улиастайгаас буцаж Тэлмэн ортол хэд хоног явах зуур бороо vе vе орсон. Одоо ч Загастайн давааны ойр хавьд ногоо ургаад сайхан болсон байхаа.
Солонготын даваа уруудаад айлд ороход Завханы айлууд хоол хийж егехийнхее емне шар тос хайлж гурил зууран амттай хайлмаг заавал хийж егех юм.

Завхан аймгын тев гэрэл цахилгаан vе vе тасардаг. Усан цахилгаан станц нь ажилладаггvй. Дизел станц нь л ажилладаг. Говь Алтай аймгын Тайшир сумын нутаг дахь Улаанбоомын усан цахилгаан станцаас эрчим хүч авахаар шугам татаад станцаа барьчихсан. Харин усан цахилгаан станц дуусаагvй бололтой юм. Аймгын тевеес салбарлуулаад бусад сумруугаа эрчим хvч татна гээд ажил нь эхэлчихсэн. Хүмүүс шонгын нүх ухаж том том машин механизмууд мэр сэр тоног техееремж ачаад явж байх нь дайралдлаа. Зарим нь ч мундаг мэргэжилийн компани барьж байгаа гэх. Зарим нь ч улсын начин хүн барьж байгаа гэх. Мен Улиастайгаас Тосонцэнгэл ортол зам засна гэж байна. Харин хатуу хучилт хийхгvй шороон зам хийвэл хэдхэн сарын дараа зам биш там болж хайран херенге салхинд хийсдэгийг баруун чиглэлд явдаг хvн ойлгох байхаа. 100 км шороон зам хийж байсанд орвол 20 30 км ч гэсэн хатуу хучилттай зам хийвэл зvгээр байх.

Завханаас гараад Говь Алтай орлоо. Замаараа Тайширын усан цахилгаан станцаар орж vзлээ. Улаанбоом гээд байгалын vзэсгэлэнтэй нарийхан хавцалын дундуур Завхан гол урсдаг юм байна. Хавцал дотор далан барьж байна. Хавцалаас дээшх цэлгэр хендийд нуур тогтоод гоё болох шинжтэй. Усан цахилгаан станц барихын тулд хоёр хонгил гаргасан байна. нэг нь голын гольдрил өөрчилж голын ус урсгахын тулд. Негее нь Хавцал доторх барилгын ажилдаа зориулж машин техник явах , цементен зуурмаг зеех конвейр бvхий 330 метр газар хад цоолж хонгил гаргасан байна.

Аймгын тев орж хоёр гурав хоночихоод хотруу гараад давхичихлаа. Говь Алтай , Баянхонгорын нутаг гандуу. Байдрагын гол, Тvйн гол харин тасарчихалгvй урсаж байна. еверхангай аймаг баруун талаараа зуншлага сайхан. Зvvн талаараа гайгvй байна.

Баянхонгорын цаахна талд алт ухдаг нинжа нар беенеерее байдаг. Ухсан шороо нь зам дагуу тулаад ирчихэж. Нэг хэсэг чулуу тээрэмдэж vндсэн орд нилээд ашигласан гэж байгаа. Гэвч чулуунаас алтыг менген усаар бариулбал 30 хувь хvртэл авдаг. цианитаар бариулбал 90 хувь хvртэл авдаг, хvмvvс менген усыг литр литрээр нь бариад явж байдаг болсон тул аймгын Онцгой байдлаас бvх тээрэмvvдийг хурааж авах гэж беен юм болсон гэж байгаа.

Баянхонгорын тев, елзийт суманд цагдаа нар машинд байсан бvх хvний бичиг баримт шалгаж бvртгээд байсан учирыг лавлавал алтны ченж хийдэг авгайг машин дотор боосон гэнэ. хэдэн кг ч алттай шороо, хэдэн сая ч тегрег гэнэ vv алдсан гэнэ. Аль хар мертей гэж..

Яг хоёр долоо хоног яваад гэртээ ирлээ.

бичсэн: javhlan төрөл: | (3) Сэтгэгдэл | найздаа илгээх

100 айлын автобусны буудал-

2007-04-30, 15:36

Энэ тухай урьд бухимдаад бичиж байснаас хойш яваагvй байж байгаад ечигдер явтал яг миний санаснаар хийчихсэн байдаг байгаа. Микронууд нь давхар зогсох боломж байхгvй нэг эгнээгээр явж хvнээ авахаар хашилт хийчэхэж. Хармаандаа дутуу зогсож хvн авах боломжгvй болгоод мен хашилт хийчэхэж. Эсрэг 2 урсгалыг бетон хашилт хийгээд тусгаарлачихаж. Аль эрт л ингээд хийчэхгvй, хэдэн микро нь буудалдаа орж зогсохгvй наана нь овоороод л. Яваад егехгvй 10 хорин минут орилоод байдаг байсан болих нь байна.

бичсэн: javhlan төрөл: | (3) Сэтгэгдэл | найздаа илгээх

Ус

2007-04-26, 16:53

Усгvй ереенд хатаж vхэхээ шахаад суугаад бсан чинь урьд нь зуны халуунд Дорноговь Сvхбаатар аймагт нэг бус даа едрийн халуун наранд усгvй болж байсан санаанд орж байх чинь. Нэг удаад нь 69 машиныхаа радиаторын уснаас жоохон ууж билээ. Зэв амтагдсан бүлээхэн ус гашуун амтагдаад л. Негеед нь нэг худаг олж ус уусан. Залгилж залгиж ховоогоо харсан чинь ойрд шавхаагvй худаг таараад ус нь емхийрчихсен булингартай ногоон ус байж билээ. Цангасан хvнд гоё л ордог юм байналээ.

Монголд ус муутайгаас бэлчээр ашиглаж чадахгvй газарууд зендее. Энэ жилээс овоо худаг ус гаргана гэнэ. Гэвч ихэнх нь хуучин худаг сэргээчихээд шинээр гаргасан гээд л енгереед байх шиг байдаг.

Саяхан Увс аймагт явж байхад талд холоос бухал евс шиг юм торойгоод л, ойртоод иртэл овоохой шиг эсгийгээр хучаад боочихсон юмнууд байна. Гайхаад очоод vзсэн цас овоолж байгаад эсгийгээр хучаад боочихсон байдаг байгаа. Тэгээд нутагын хүvнээс асуувал хаваржаандаа усгvй бэлчээрийг ашиглах гэж евел цас неецелж байгаа нь тэр юм гэнэ. Говь Алтай аймагт бас ингэдэг гэнэ. Ёроолд нь нvх ухчихдаг. Аажуухан хайлсан ус нь тэр нvхрvv нь ороод л, булагын ус шиг хутгаад авдаг, малаа усалдаг гэж байгаа.

Уулын ар, жалга хавцал газар хавар цагт ус неецлехед боломжын арга байна лээ.

бичсэн: javhlan төрөл: | (1) Сэтгэгдэл | найздаа илгээх

Дундговь Баянжаргалан-Ондершил

2007-04-23, 10:26

Тав дахь өдөр оройхон хотоос гараад Мянганы замаар Чойр буюу Говь сүмбэр аймаг хүртэл сүнгэнэтэл давхисаар байгаад ирж хонов. Аймаг гэхэд жижигхэн л газар. Сэлэнгийн Зүүнхараа, Завханы Тосонцэнгэл сумтай харьцуулмаар. Урьд оросын цэргийн хотхон байсан угсармал таван давхар орон сууцны хороолол ихэнхи нь хаягдаж тоногдож онгойсон юм болсон. Нэг хэсэг барилга газарын херснеес арчигдан хог хаягдал л vлдпсэн. Дунд нь нэг орос цэргийн хешее тулалдааны талбарт аятай зогсоно. Сvvлийн vед мэр сэр засвар хийн хаалга цонхыг нь битvvлэн ашиглалтанд оруулаад байгаа бололтой. чойр орох замд Баянталд мөн бvтэн хороолол арзайж сарзайн байдаг. Дунд нь нэг Пуужингийн ч билvv хешее байдаг. Чойрооос енгереед Шивээ говьд мен иймэрхvv дvр терхтэй. Гэхдээ Сайншандын наана байсан бvтэн хороолол буулгаад байхгvй болгосоныг бодвол дээрх хэдэд овоо хэдэн рам vлдсэн гэж байгаа. Иймэрхvv хороолол Монгол даяар олон байдаг. Налайхаас аваад Дорнод аймаг хvртэл. 90 оноос хойш 40 мянган айлын сууц лав буулгаад устагасан боловуу. За энэ ч яахав еглее эртхэн гарч давхиад Баянжаргалан орлоо. Яахав хашаа хороо енге зvс гээд л гундуухан л сум байна. Ондер хүчдэлд холбогдсон. Нутаг дэвсгэрт нь янз бvрийн ашигт малтмал их бололтой. Энд тэндгvй л уурхай байдаг сурагтай.

Тэндээсээ давхиад Ондершил сумын тев орлоо. Баянжаргаланг бодвол сумын енге зvс дажгvй санагдав. Эмх цэгцтэй. Удахгvй эрчим хvчинд холбогдоно. Ажил нь явж байгаа гээд л хvлээсэн улс байна. Энэ 2 суманд удахгvй G-mobile vvрэн телефон ашиглалтанд орно гэж байна. ТВ-ээр станцаасаа 40, 50км-т барьдаг интернэтэд холбогдох боломжтой гэж рекламдаад байгаа. Долгионы бvрхэлт сайтай бол авахад хэрэгтэй л юм. За тэгээд еренхийдее цас хайлчихсан ногоо алаг цоог цухуйж эхлээд л ирж яваа цаг гэсэндээ сайхан л байна.

бичсэн: javhlan төрөл: | (0) Сэтгэгдэл | найздаа илгээх

Увс аймаг явлаа

2007-04-11, 13:21

Увс аймаг явах ажил гараад Аэро монголиа-руу утасдсан чинь Хагас сайн едер нисээд дахид ирэх суудал байна гэхээр билетээ захиалчихаад, хэдэн дарга нартаа элдвийн юм хэлж байж челее аваад нислээ. 05,30 минутад нисэх дээр ирээд 7 цагт хеереед, 2,40минутанд элдвийн юм тохиолдсонгvй сайхан л нисээд ирлээ. Эдний онгоцны vйлчлэгч залуухан дажгvй :) үйлчилгээ сайтай. Хааяа нэг мотор нь унтирчихдагаас биш. Манай баруун хязгаар аргагvй хол, нар хvртэл хотоос нэг цаг явж очдог газар юм болхоор орон нутгийн цагаар 9 дехvvлээд л очлоо. Би дээр vед 69 машинтай 3 едер явж байсныг бодвол онгоц гэж сайхан юмаа. GPS асаагаад үзтэл онгоцны хурд 540 км/ц зааж байв.

Онгоцноос буугаад машинд суугаад шууд Малчин сумын зvг хедлев. Нэг уул даваад Тээлиин гол, Тээлийн суурин гэж байх. Галдан бошигт тариа тариулахаар Узбек хавиас авчирсан Хотон үндэстэн суудаг. Урдуураа Тогтохын шил гээд дvнхийсэн нуруу, хойгуураа буданд хучигдсан Увс нуурын завсрын хендийгеер 80-аад км яваад Малчин суманд дөхнө. Урдуураа том том чулуутай гуу жалга сайр болсон уулыын энгэрт Малчин сум байдаг. Засаг дарга нь гээд сэргэлэн залуу байна. Овоо зев бодолтой юмуу гэж бодлоо. Хvн ардаа архи уулгахгvй гэж янз бvрээр харьцангуй vр дvнтэй тэмцэж байгаагаа ярьж байв. Шилэн кабельтай. Цахилгаан Холбоо ХХК-ны CDMA системийн гар утастай. Удахгvй G-mobile мобиком скайтел бүгд орно гээд л байсан. Энэ жил 110 кВ-ын шугамаар эрчим хvчинд холбогдоно. Ажил нь одоо эхлэх гэж байгаа сурагтай. Эндээсээ цаашаа 35 кВ-оор Хяргас, Баруун туруун гээд л явж егех юм байх. Малчин сумын урд талд жижигхэн нууранд усны шувууд ирчихсэн шенежин ганганаад л.

Эндээ хоночихоод еглее нь Малчингаас гараад Хяргас сум орлоо. Сvvлд байгуулагдсан эмх цэгц сайтай сайхан сум байна. Харин засаг дарга нь жоохон сэтгэлд хvрсэнгvй. Жижигхэн юман дээр том нэрээ алдах шиг санагдав. Хяргас сум бас шилэн кабель гар утастай. Аймгийн тевеес Малчин 100 орчим км. Малчингаас Хяргас 50 орчим км. Хяргасаас Улаангом 130-аад км. Оройхон Улаангом хотын зvг хедлеед шене дунд болсон хойно буудалдаа ирж амарлаа.

Улаангом урьд нь хэд хэд ирж байсан юм болохоор элдвийн сэтгэгдэл терсенгvй байдгаараа л байна. Чацаргана ихээр тариалж эхэлж байна. Боловсруулалт ч сайн хийдэг бололтой. Японд кг-ыг нь 5 доллороор гаргана гэнэ. Чацарганы тос тvлэгдэлт шарханд сайн гээд 100 гм-ыг нь 22 мянгаар авлаа. Урдхан талд нь Чандмань уул гээд хадтай толгой. Овертее хадны ёроолоос гардаг рашаантай. Урд талаар нь байх хендийн дээхэн үед битvv ой байсан гэх 60-аад он хvртэл. Дараа нь аймгийн тевийн зуслангийн газар болсон. Удахгvй харин чацаргана-ы талбай болно гэнэ. Бср урдуур нь манан дунд Хархираа Тvргэний уулс дүнхийн харагдана. Хичнээн ч ендер юм бvv мэд. Нэг дэхь едер ойр зуур дэмий тэнэж енгереелее. 2 дахид vдээс емне онгоцоо хvлээж енгереев.

Увс аймаг зvvн талаараа Халх 3 сумтай. Бусад нь баяд дервед. Хегшдийх нь ярьж байгааг бол барагцаагаар л нэг юм ойлгоно. Сайр гэхийг Сай, Налуу газар ганга жалгыг Гануу гэх нь санаанд үлдэж. Ийм л бишvv, Тийм л бишvvгэж их хэрэглэдэг. Тэс сумынхан малын хулгай их хийдэг гэж байгаа. Нэг онигоо ярьвал

Урьд сайн эр явсан нэг хегшин баригдаж ирчихээд Та ямар хэрэг хийсэн гэхээр хэлэхгvй гvрийгээд байж гэнэ. Мерденд суулгаад байсан нэг едер хэргээ хvлээе гэж гэнэ.
-За та ямар хэрэг хийсэн
-Кесрийн дээс кэвтэж байкаар нь л авав бишүү
-Та чинь vхэр хулгайлсан биз дээ
-Yзvvрт нь үкэр байсныг нь кэн мэдлээ

Тэгээд л аавынд ачигдаж гэнэ. Ямар хэрэг хийсэн гэтэл
-Гvжир л бишүү (гvтгvvлчихлээ). Тэгээд яагаад ирчихэв гэтэл
-Тулгачихав л бишүү гэж гэнэ.(Хэрэг тулгаад хvлээлгэчихсэн) Хэдэн жилийн дараа хугацаагаа дуусгачихаад нутагтаа очоод
-Цагаадав бишvv гэжийнэ гэж байгаа.

бичсэн: javhlan төрөл: | (19) Сэтгэгдэл | найздаа илгээх

Шинэ ажил

2007-04-11, 13:05

Энэ сарын эхнээс мэдлэг мэргэжилээ сайжруулах зорилгоор улсын ажилд орлоо. Урьдны ажилаас минь ачаалал бага, бодитой хийх юмнаасаа илүү элдвийн телевлегее тайлан гэх мэт бичиг цаас цагын нилээн хувийг авах телевтэй. 2 сар дадлагажина гэж байгаа. Тэгээд шалгалт егеед тэнцвэл жинхлэнэ. Цалингийн хувьд одоохондоо ажилдаа ирж очих машины бензиний менгенеес дутуу шахуу л байна. Жинхэлсэн хойноо тогтмол , vр дvнгийн гээд илүү гараад явах байх. Хvмvvс хажуугаар нь албан тушаалаа ашиглана гэж бодоод байх шиг байгаан. Харамсалтай нь огтхон ч тийм боломж байхгvй албан тушаал. Ганцаараа тоо бодоод л суудаг гэхvvдээ.Гол нь хэсэг биш бvхэл мэдлэгтэй больюу л гэж.

бичсэн: javhlan төрөл: | (1) Сэтгэгдэл | найздаа илгээх